12 Ақпан 2015

«Мир казахской литературы» ақпараттық көрме

11 ақпанда №5 балалар кітапхана-филиалында  «Мир казахской литературы» атты ақпараттық көрме  болып өтті. Кітап көрмесін тамашалауға №3, №25 мектептерінен   7-9 сынып оқушылары келді. Көрмеге  А.Құнанбаев, М.Өтемісұлы, М.Жұмабаев,   І.Есенберлин, М.Мағауин, Д.Исабеков, О.Бөкеев, Ә.Әлімжанов, Б.Момышұлы, Р.Сейсенбаев, О.Сүлейменов, С.Муратбеков, М.Қабанбаев, т.б қазақ ақын-жазушыларының  орыс тіліндегі кітаптары қойылды. Кітапханашы  кітап көрмесіне  шолу жасап, олардың авторлары туралы қысқаша деректемелер айтып берді. Балалар ақын-жазушылардың шығармашылығы жайында сұрақтар қойып, көптеген мәліметтер алып қайтты. Көрме соңынан өздеріне ұнаған кітаптарын оқуға жаздыртып алды.