"Балқаш қаласының орталықтандырылған кітапхана жүйесі"
коммуналдық мемлекеттік мекемесі

Коммунальное государственное учреждение
"Централизованная библиотечная система города Балхаш"

Біздің сайтқа қош келдіңіз. Өзіңізге керекті сұрақтардың жауабын табуда осы сайттағы мәліметтердің көмегі тиеді деп үміттенеміз.

Аңдатпа

Мұрағат

Опрос

Интернетте қанша уақыт өткізесіз?

«Бір ел – бір кітап» акциясы

Просмотров: 8187

Акция тарихы 

     Қазақстандық «Бір ел – бір кітап» жобасының идеясы АҚШ-та өте танымал болған «Бір кітап, бір Чикаго» және «Егер Сиэтлдің бүкіл тұрғыны бір кітапты оқыса» деген кітапханалық жобаларына негізделген. Шартқа сәйкес бүкіл қала тұрғындары бір мезгілде бір шығарманы оқуға тиіс.
    Бір кітапты жалпы қала болып оқу идеясы АҚШ-тың солтүстік-батысындағы ірі қала Вашингтон штатына қарасты – Сиэтл көпшілік кітапханасының кітап орталығы тарапынан ұсынылған. 1998 жылы «Егер Сиэтлдің бүкіл тұрғыны бір кітапты оқыса» тақырыбымен алғаш өткізілген акцияның мақсаты – Сиэтл халқының бірлігін нығайту және оларға оқуды насихаттау. Бұдан соң осыған ұқсас мәдени шаралар Чикаго, Буффало, Рочестер қалаларында да ұйымдастырылды.
     «Бір кітап, бір Чикаго» (One book, one Chicago) бағдарламасы Чикаго жұртшылығына белсенді ықпал ету арқылы Чикаго көпшілік кітапханасында басталды. Оның негізгі мақсаты қаланың ересек тұрғындары мен жастарын бір кітапты бір уақытта оқуға және оны ұжым болып - отбасында, жұмыста жолдастары мен таныстары арасында, кітапханаларда, оқу мекемелерінде, кітап дүкендерінде, діни ұйымдарда, кафелерде және басқа да қоғамдық орындарда талқылауға ынталандыру болып табылады. Бұл - қаланың кенеттен кітапсүйерлер клубына тән өзгерістермен құбылатын күні.
     2000 жылдың қазан айында Чикаго қаласында «Чикагода кітаптар апталығы: Оқуға құмар қала» тақырыбымен тұңғыш рет қалалық фестиваль өтті. Осы фестиваль аясында қоғамдық талқылаумен және авторлар баяндамаларымен бірге кітап тұсаукесерлері, сондай-ақ семинар, экскурсия секілді басқа да шаралар ұйымдастырылды. 7 апта бойы Чикагоның он мыңдаған халқына ауқымды іс жүргізіліп болған соң, Пулитцеров сыйлығына лайық деп танылған американ жазушысы Харпер Лидің (1926 ж.) «Убить пересмешника» (1960 ж.) атты романы талқылауға түсті. Кітап авторы бүкіл әлем мен осы замандық Чикаго үшін өзекті болған толеранттық және нәсілшілдік сияқты маңызды мәселелерді алға тартады.
     Бүгінде «Бір ел – бір кітап» жобасының идеясы әлемдегі көптеген елдерге кең тараған (Испания, Латын Америкасы елдері және Корея т.б.). «Сто лет одиночества» романының авторы Габриэль Гарсиа Маркестің 80 жылдығына арнап Испанияда оқу марафоны өткен еді. Қалаушылар романды бірнеше күн бойы үздіксіз дауыстап оқыды. Осы марафонды Испания Үкіметі басшысының орынбасары Мария-Тереса Фернандес де ла Вега ашты. Бұдан дәл 40 жыл бұрын жарыққа шыққан романды 7 бетке сыйғызып айту үшін әрбір қатысушыға 15 минуттан уақыт бөлінді.
     2003 жылы Кореяда бірлесе оқуға негізінен балалар кітабы таңдалды. Бұл жоба одан кейін «Бір кітапхана – бір кітап», «Бір ауыл – бір кітап» деген жобалар түрінде көрініс тапты.
  
 

Қазақстан Республикасының «Бір ел – бір кітап» акциясы

      Елімізде республикалық «Бір ел – бір кітап» акциясы ҚР Ұлттық академиялық кітапханасында 2007 жылдан бастап өткізіліп келеді. Акцияның мақсаты – ұлттық әдебиетіміздегі ең үздік деген туындыны оқу және насихаттау, оқу ісін ілгерілету, рухани мұрамызды сақтау, сондай-ақ, жастарды отаншылдыққа әрі өнегелілікке тәрбиелеу. Сонымен қатар, акция қоғамның отандық әдебиетке, оның ішінде классикаға, қазіргі әдебиет пен поэзияға деген қызығушылығын әрі қарай жоғарылатуына мүмкіндік туғызады.
 

   «Бір ел – бір кітап 2021» Акциясы
«Тәуелсіздігіміздің 30 жылдығына – 30 кітап»
 

    Биылғы жылы ел Тәуелсіздігінің 30 жылдығына орай, жалпыхалықтық оқуға «Тәуелсіздігіміздің 30 жылдығына – 30 кітап» рухани-мәдени акциясы ұсынылып отыр. «Бір ел – бір кітап» акциясы аясында «Тәуелсіздігіміздің 30 жылдығына – 30 кітап» ұранымен танымал қазақстандық авторлардың поэзия, проза, драматургия, балалар әдебиеті және аударма саласындағы 30 үздік туындысы таңдалды.

 

                     

 

                   

 

Назарларыңызға

«Тәуелсіздігіміздің 30 жылдығына – 30 кітаптың» тізімін ұсынылады.

 

Поэзия

  1. Мұқағали Мақатаев «Өмірдастан».
  2. Жұмекен Нәжімеденов «Менің Қазақстаным».
  3. Ұлықбек Есдәулет «Киіз кітап».
  4. Серік Ақсұңқарұлы «Көкейімде Күлтегіннің жазуы».
  5. Тоқтарәлі Таңжарық «Түн парақтары».
  6. Бақытжан Қанапиянов «Достояние души».

 

Проза

  1. Тынымбай Нұрмағамбетов «Періштелердің өлімі».
  2. Тобық Жармағамбетов «Отамалы».
  3. Сәуле Досжан «Қасірет пен тағдыр».
  4. Юрий Серебрянский «Дәмді де пайдалы қазақстандық әдебиет».
  5. Дәурен Қуат «Бөрісоқпақ».
  6. Тұрысбек Сәукетай «Желқайық».

 

Драматургия

  1. Рахымжан Отарбаев «Айна ғұмыр» пьесалар жинағы.
  2. Дулат Исабеков «Жеті желкен» пьесалар жинағы.
  3. Мәдина Омарова «Көмбе нанның дәмі».
  4. Иран-Ғайып «Қорқыттың көрі» пьесалар жинағы.
  5. Думан Рамазан «Пешене» пьесалар жинағы.
  6. Сая Қасымбек «Жанталас».

 

Балалар әдебиеті

  1. Ыбырай Алтынсарин «Өнер-білім бар жұрттар».
  2. Бердібек Соқпақбаев «Жекпе-жек».
  3. Марат Қабанбаев «Жиһангез Тити».
  4. Толымбек Әбдірайым «Алабұға аулаған күн».
  5. Зира Наурызбаева, Лиля Калаус «Алтын тостағанды іздеу».
  6. Мәди Айымбетов «Бар болғаны он төрт жас».

 

Аударма

  1. Юсупов Кеңес, Габриель Гарсиа Маркес «Жүз жылдық жалғыздық».
  2. Әдетов Бекболат, Эрих Мария Ремарк «Аманат өмір».
  3. Ахметов Әділ, Агата Кристи «Ғайып болған миллион».
  4. Меллат Төлеген, Халид Хусейн «Жарқыраған мың күн».
  5. Мәзен Динара, Ж.К. Роулинг «Хәрри Поттер мен жасырын бөлме».
  6. Құрметұлы Амангелді, Орхан Памук «Менің атым – Қырмызы».

 

Жыл кітаптарын бірге оқиық!

«Балқаш қаласының орталықтандырылған кітапхана жүйесі» КММ
«Бір ел – бір кітап» акциясы бойынша өтетін іс-шаралар жоспары

 

Іс-шара атауы

Өтетін күні

Жауаптылар

1.

«Тәуелсіздігіміздің 30 жылдығына – 30 кітап» әдеби кеңістік

26.01.2021 ж.

 

С.Сейфуллин атындағы ОҚК

2.

«Өнер - білім бар жұрттар» челлендж (Ы.Алтынсарин)

26.01.2021 ж

А.Гайдар атындағы ОҚБК

3.

«Жазушы және оның кейіпкерлері» викторина (Б.Соқпақбаевтың «Жекпе-жек» повесі бойынша)

29.01.2021 ж.

№5 кітапхана-филиалы

4.

«Бір ел - бір кітап» бейне презентация

18.02.2021 ж.

А.Гайдар атындағы ОҚБК

5.

«30 жылдыққа 30 кітап» виртуалды панорама

24.02.2021 ж.

№4 кітапхана-филиалы

6.

«Балалар әдебиетінің бәйтерегі – Бердібек Соқпақбаев» кітап көрмесі

10.03.2021 ж.

№4 кітапхана-филиалы

7.

«Көкейімде Күлтегіннің жазуы» поэтикалық жұлдыз ағу

26.03.2021 ж.

№3 кітапхана-филиалы

8.

«Алтын тостағанды іздеу» буктрейлер (З.Наурызбаева, Лиля Калаус)

06.04.2021 ж.

А.Гайдар атындағы ОҚБК

9.

«Ауыл тынысы» ой толғау (Б.Соқпақбаевтың «Жекпе-жек» шығармасы бойынша)

06.04.2021 ж.

№3 кітапхана-филиалы

10.

«Дала жұлдызы» әдеби алаң

08.04.2021 ж.

№2 кітапхана-филиалы

11.

«Поэзия – өнердің ұйытқысы» ZOOM платформасында поэзия әлеміне саяхат

09.04.2021 ж.

С.Сейфуллин атындағы ОҚК

12.

«Күлтегін – жырдың сардары» поэзия кеші (С.Ақсұңқарұлы)

12.04.2021 ж.

№4 кітапхана-филиалы

13.

«Тәуелсіздігіміздің 30 жылдығына – 30 кітап» бейнешолу

16.04.2021 ж.

№5 кітапхана-филиалы

14.

«Мұқағали – мәңгілік ғұмыр» әдеби сағат

14.05.2021 ж.

№2 кітапхана-филиалы

15.

«Алабұға аулаған күн» шығармашылық сағат (А.Толымбек)

18.05.2021 ж.

А.Гайдар атындағы ОҚБК

16.

«Менің атым – Қырмызы» букфест (Орхан Памук)

18.05.2021 ж.

№3 кітапхана-филиалы

17.

«Суреттер сөйлейді» қылқылам шеберханасы (М.Қабанбаевтың «Жиhангез Тити» шығармасы бойынша)

27.05.2021 ж.

№1 кітапхана-филиалы

18.

«Менің жетістігім» блиц-ойын (М.Айымбетовтың «Бар болғаны он төрт жас» шығармасы бойынша)

26.06.2021 ж.

№1 кітапхана-филиалы

19.

«Менде чемпион бола аламын» ой-толғау (Б.Соқпақбаевтың «Жекпе- жек» повесі бойынша)

08.10.2021 ж.

№1 кітапхана-филиалы

 


Дата редактирования: 24 Қазан 2021

Рейтинг@Mail.ru

Яндекс.Метрика