"Балқаш қаласының орталықтандырылған кітапхана жүйесі"
коммуналдық мемлекеттік мекемесі

Коммунальное государственное учреждение
"Централизованная библиотечная система города Балхаш"

Біздің сайтқа қош келдіңіз. Өзіңізге керекті сұрақтардың жауабын табуда осы сайттағы мәліметтердің көмегі тиеді деп үміттенеміз.

Аңдатпа

Мұрағат

Опрос

Интернетте қанша уақыт өткізесіз?

Білгенге маржан


Мастопатия

Дүниежүзілік денсаулық сақтау ұйымы (ДДҰ) мастопатияны сүт бездеріндегі эпителий мен дәнекер  тіндерінің тепе-теңдігінің бұзылу нәтижесінде пайда болатын фиброзды-кистозды ауруға жатқызады. Мастопатия – ісікалды ауруы. Бұл организмдегі гормоналдық бұзылыстар салдарынан дамиды.

Қазіргі кезде сүт безінің қатерлі ісігі мастопатиясы бар ауруларда 3-5 есе, ал сүт бездері тіндерінің пролиферациясы бар мастопатияның түйінді түрлерінде 40 есе жиі кездеседі.

МАСТОПАТИЯНЫҢ ПАЙДА БОЛУ СЕБЕПТЕРІ.         Сүт бездері – әртүрлі гормондардың нысанасы. Оның өсіп-жетілуіне аналық без гормондары (эстроген, прогестерон) және гипофиз гормоны – пролактин ықпал етеді. Пролактиннің әсерінен сүт бездерінің эстрогендерге сезімталдығы күшейіп, босанғаннан кейін сүт бөлінуіне әсер етеді. Сонымен қатар сүт бездеріне қалқанша без гормондары, бүйрекүсті безі гормондары және ұйқы безі гормоны – инсулин де өз әсерін тигізеді. Ал сүт бездері май тіндерінің осы гормондарды жинайтын қасиеті бар. Осы айтылған себептерден гормоналдық тепе-теңдіктің бұзылуы мүмкін.

Гормоналдық тепе-теңдіктің бұзылуынан туындайтын сырқаттар:

1.      Гинекологиялық аурулар;

2.      Етеккір айналымының бұзылысы;

3.      Гипофиздегі патологиялық өзгерістер;

4.      Гормоналды аурулар немесе гормондардың әсерінен кейінгі жағдай:

-        етеккіралды синдромы;

-        эндокриндік бедеулік;

-        сары дене қызметінің жетіспеушілігі;

-        жатыр миомасы;

-        эндометриоз;

-        түсік тастау;

-        жыныстық жетілудің кешігуі;

5.      Түсіктер;

6.      Бала емізбеу;

7.      Сүт безінің жарақаты;

8.      Бауыр аурулары;

9.      Депрессиялар.

Мастопатияның бірнеше түрі бар. Олар:

-        кистозды мастопатия (кисталар, яғни жылауықтар пайда болады);

-        фиброзды мастопатия (дәнекер тіндер көптеп түзіле бастайды);

-        диффузды мастопатия (бездік және дәнекер тіндер түзіле бастайды);

-        түйінді мастопатия (фиброзды тіндер белгілі бір жерде жинақталып, түйін пайда болады);

-        склерозды аденоз.

МАСТОПАТИЯНЫҢ БЕЛГІЛЕРІ:

-        бір немесе екі бірдей сүт бездерінде ауырсыну сезімдерінің болуы (азғантай ауырсынудан бастап өте қатты ауырсынуға дейін);

-        сүт бездерінің үлкеюі және ісінуі;

-        емшек ұшынан бөліндінің шығуы (түссіз немесе қан аралас);

-        сүт бездерінде түйіндердің болуы;

-        сүт бездерінің үлкеюі қолтықасты бездерінің ісінуімен және ауыруымен жалғасады.

МАСТОПАТИЯНЫ НАҚТАМАЛАУ:

-        физикалық тексеру;

-        екі проекциялы маммография;

-        дуктография;

-        сүт бездерін ультрадыбыстық зерттеу;

-        пункциялы аспирациялық биопсия;

-        цитологиялық тексерулер;

-        ісік маркерлері мен гормондарға қан тапсыру.

 

Л.Қ.ҚАЙНАРБАЕВА,

дәрігер-рентгенолог.

Қызылорда

 

Дереккөзі: «Денсаулық» журналы, - 2011(№5). – 6 бет.

Рейтинг@Mail.ru

Яндекс.Метрика