"Балқаш қаласының орталықтандырылған кітапхана жүйесі"
коммуналдық мемлекеттік мекемесі

Коммунальное государственное учреждение
"Централизованная библиотечная система города Балхаш"

Біздің сайтқа қош келдіңіз. Өзіңізге керекті сұрақтардың жауабын табуда осы сайттағы мәліметтердің көмегі тиеді деп үміттенеміз.

Опрос

Интернетте қанша уақыт өткізесіз?

Білгенге маржан


Жиі ауыратын балаларды сауықтыру амалдары

Жиі және ұзак ауыратын балалар – педиатрия саласының маңызды медициналық-әлеуметтік мәселелерінің бірі.
Жиі әрі ұзақ ауыратын балалар тобына өмірінің алғашқы жылында 4 және одан да көп, 2 және 3 жасында – 6 рет және одан да көп, 4 жасында – 5 рет және одан да көп, 5 және 6 жасында – 4 рет және одан көп, 7 жасында 3 рет және одан көп рет жіті аурулармен ауырған және созылмалы сырқаттары асқынған сәбилер жатады.
Бала ауруларының құрылымында тыныс алу ағзаларының сырқаттары басым. Және жиі әрі ұзақ ауыратын балалар арасында бұлар 80-85%. Сондықтан аталған топтағы балаларды сауықтыру кезінде мұрын-жұткыншақтағы жұқпа ошақтарын тазалауға, респираторлык жұқпалардың алдын алуға көп көңіл бөлінеді. Біз жиі және ұзақ ауыратын балаларды қалпына келтіруге арналған 3 кезеңнен тұратын төмендегідей шараларды ұсынамыз:
Бірінші кезең – сыркаттың жіті көріністері жойылғанға дейін учаскелік дәрігердің 3-5 күн ішінде ем жүргізуі;
Екінші кезең – қалпына келтіру бөлімінде 14-21 күн бойы емдеу;
Үшінші кезең – 1,5-3 ай бойы емдеу.
Ең тиімді ем мектепке дейінгі балалар мекемесінде жеке сауықтыру және жүйелі түрде отбасында сауықтыруды үйлестіру болып табылады.
САУЫҚТЫРУ ЖОЛДАРЫ:
Ең алдымен баланың күн тәртібін және тамақтану мәзірін реттеу керек. Қалпына келтіру тобындағы сәбилердің күндізгі ұйқы уақыты ұзартылып, балабақшада болу уакыты қысқартылады. Тағамға қосымша шырындар мен сүт өнімдері (айран, кілегей, сүзбе) енгізіледі. Сондай-ақ тағам С дәруменімен байытылады. Балалар бөлмесінің температурасы 18°С-ден аспауы тиіс.
Сылап-сипау және емдік жаттығулармен бірге шынықтыруға көп көңіл бөлінеді. Шынықтыру кезінде контрастылы аяқ бұлаулары, құрғақ және ылғал орамалмен ысу, су құйыну, тамақты суық сумен шаю жиі қолданылады. Шынықтыру шараларының негізгі принципі – оны баланың сау кезінде бастау, шынықтыру әсерін біртіндеп ұлғайту, оларды жүйелі түрде және бірінен кейін бірін жасау. Әрине, баланың жасы, жеке ерекшеліктері, оның әсері де ескеріледі.
Қарапайым және тиімді шынықтыру шарасы
-  температура тәртібін өзгертіп отыру. Яғни бала ұйықтаған кезде терезені ашып, оның бөлмесіндегі температураны 15-16 градусқа төмендетеді. Ал ойын бөлмесіндегі температураны жылытқыштың көмегімен 23-24 градусқа дейін жылытады. Осыдан соң екі бөлмеде кезек-кезек жаттығу жасатқызады. Емшараның ұзактығы – 10-12 минут.
Сауықтырудың физиотерапиялық әдістері: жалпы ультракүлгін сәулелендіру, тамақтың тубус-кварцы, бадамша безге УДЗ. Көптеген авторлар қалпына келтіру курсына тамақты дәрілік өсімдік тұнбаларымен шаю, оттегі шөп коктейльдерін қосады. Бұл шаралар кешенді дәрілік еммен толықтырылса, тиімділігі арта түседі.
Г.К.ИЗГУТТИНОВА,
Педиатрия және бала хирургиясы
Алматы.       ғылыми орталығы

Дереккөзі: «Денсаулық» журналы, - 2011(№6). – 25 бет.
 

Рейтинг@Mail.ru

Яндекс.Метрика