"Балқаш қаласының орталықтандырылған кітапхана жүйесі"
коммуналдық мемлекеттік мекемесі

Коммунальное государственное учреждение
"Централизованная библиотечная система города Балхаш"

Біздің сайтқа қош келдіңіз. Өзіңізге керекті сұрақтардың жауабын табуда осы сайттағы мәліметтердің көмегі тиеді деп үміттенеміз.

Опрос

Интернетте қанша уақыт өткізесіз?

Білгенге маржан


Талғар

Алматыдан шығысқа қарай 25 км жерде, Іле Алатауының бөктерінде, Талғар өзенінің оң жақ жағалауында ежелгі Талғар қаласы орналасқан. X ғасырдан бастап Талғар «Талхир» деген атпен белгілі болған. Қаланың орталық бөлігі мұнаралы бекініс дуалымен қоршалған. Бекініс дуалының қазірде сақталған биіктігі – 5-6 м, қалыңдығы – 15-17 м. Қалаға солтүстік-шығыс және оңтүстік-батыс тараптан кірер екі қақпа бар. Құрылыс орындарының қалдыктары бекініс сыртында да көптеп сақталған. Қаланың жалпы аумағы – 28 гектар. Қаланың іргетасы б.з. IX ғасырында қаланып, XI-XII ғасырларда гүлденген. XIII-XIV ғасырларда қала күйрей бастаған.
Қала орнынан зергерлердің, көзешілердің шеберханалары табылды. Олардан кыш ыдыс күйдіретін пештер аршылып, зергерлер мен ұсталардың, көзешілердің, ершілердің құрал-саймандары шықты. Қалада теңге шығаратын орын болған.
Гүлденген кезеңінде Талғар Іле өңірінің әкімшілік-мәдени орталығы болған. Талғар қазбалары бүкіл Іле өңірінің отырықшылық өмірі жайында құнды мәліметтер береді.

Дереккөзі: «Сен  білесің бе?» энциклопедиясы / Құраст.: Қ.Ж. Райымбеков, Қ.Т. Байғабылов. – Алматы: Аруна, 2011. – 301 бет.

Рейтинг@Mail.ru

Яндекс.Метрика