Орынбек Ахметбекұлы Жәутіков (1911 - 1989) – математика тарихы мен оның (пән ретінде) негізін қалаушылардың бірі. Физика-математика ғылымдарының докторы, профессор, академик. Ол Қарағанды облысы Ақтоғай ауданында дүниеге келген. Ғалымның ғылыми ізденістері, негізінен, күрделі теңдеулер теориясын дамытуға арналды. Көне дәуірден XVII ғасырдың басына дейінгі аралықтағы математиканың даму тарихын жазып қалдырды.
1965 жылы О. Ахметбекұлының бастамасымен математикалық әдістерді халық шаруашылығы мұқтажына пайдалану және математика мен механика бойынша теориялық зерттеулерді жоғары дәрежеге көтеру үшін Қазақ  Ғылым академиясының Математика және механика институты ашылды.

Дереккөзі: «Сен  білесің бе?» энциклопедиясы / Құраст.: Қ.Ж. Райымбеков, Қ.Т. Байғабылов. – Алматы: Аруна, 2011. - 605 бет.