Меруерт Өтекешова Қаратайқызы 1951 жылдың 25 ақпанында дүниеге келген. Актриса, Қазақстанның еңбек сіңірген әртісі. Орал қаласында дүниеге келген. 1973 жылы Алматы консерваториясын (қазіргі Қазақ ұлттык консерватория) бітірген. 1973 жылдан Қазақ академиялық драма театрында қызмет етеді. Осы театр сахнасында бірқатар ролдерді сомдады. М.Әуезовтың «Қарагөз» спектаклінде Қарагөз рөлі үшін 1982 жылы Мәскеудегі Бүкілодақтық Жастар шығармашылығы байқауының лауреаты атанды. М.Өтекешова «Қыз Жібек» (1970), «Менің ағам» (1972), «Ұлымның оралуы» (1977), «Қосымша сұрақтар»(1977), «Тентек балалар»(1980), «Жылан жылы» (1981), «Өрнек» (1982), «Кінәңді ақта» (1983), «Жауын», «Ақ бақсы» т.б. фильмдерге түскен.

Дереккөзі: «Сен  білесің бе?» энциклопедиясы / Құраст.: Қ.Ж. Райымбеков, Қ.Т. Байғабылов. – Алматы: Аруна, 2011. – 560-561 бет.