Қамар Қасымов (1893-1966) – қазақ арасынан шыққан кәсіби шебер, Қазақстанның еңбек сіңірген өнер қайраткері. Ол Павлодар облысы Баянауыл ауданында дүниеге келген. Қамар Қасымов жасынан қолөнер бұйымдарын жасаумен шұғылданған.
1934 жылы Қамардың басшылығындағы шеберлер алғаш құрылған қазақтың ұлт аспаптар оркестріне домбыра, қобыз, сыбызғы және көптеген музыка аспаптарының түрлерін жасаған.
Қамар Қасымовтың өз қолымен әшекейлеп, өрнектеп жасаған музыка аспаптары Қазақстанның Орталық және Ықылас атындағы Халық музыка аспаптар мұражайларының қорында сақтаулы тұр.

Дереккөзі: «Сен  білесің бе?» энциклопедиясы / Құраст.: Қ.Ж. Райымбеков, Қ.Т. Байғабылов. – Алматы: Аруна, 2011. – 556 бет.