Әлібек Дінішев – опера әншісі, тенор. Әлібек Мұсаұлы 1951 жылы 30 шілдеде Алматы қаласында дүниеге келді. 1970 жылы Алматы музыка училищесін, 1976 жылы Алматы консерваториясының вокал факультетін бітірді. Қазақ филармониясының әншісі ретінде 1978 жылдан бастап Абай атындағы Опера және балет театрында қызмет атқарады.
Әлібек Дінішевтің репертуарында Ленскийдің (П.И. Чайковский, «Евгений Онегин»), Владимирдің (А.П. Бородин, «Князь Игорь»), Айдардың (А.Қ. Жұбанов пен Л.А. Хамиди, «Абай»), Төлегеннің (Е.Г. Брусиловский, «Қыз Жібек») және басқа да танымал кейіпкерлердің көптеген партиялары бар. Ол – КСРО және Қазақ КСР халық әртісі.

Дереккөзі: «Сен  білесің бе?» энциклопедиясы / Құраст.: Қ.Ж. Райымбеков, Қ.Т. Байғабылов. – Алматы: Аруна, 2011. - 553 бет.