КСРО-ның еңбегі сіңген спорт шебері, КСРО-ның бірнеше дүркін, Еуропаның алты дүркін және әлемнің бес дүркін жеңімпазы, 1988 жылғы Сеулде өткен XXIV Олимпиаданың жеңімпазы, 1996 жылғы Атлантада өткен XXVI Олимпиадалық ойындарының күміс жүлдегері.
Қазақстан ежелден балуандарымен, батырларымен әлемге әйгілі.
Анатолий Храпатый – әлемнің ең күшті балуандарының қатарына кірген Қазақстанның бірегей алып спортшысы. 1977 жылы Атбасардағы балалар спорт мектебінің табалдырығын көптің бірі боп аттаған Анатолийден Олимпиада жеңімпазы шығады деп сол кезде ешкім ойламаған. Олимпиадалық ойындарға Анатолийді ауыр атлетикадан ең үздік мамандардың бірі А. Стерликов дайындады.

Дереккөзі: «Сен  білесің бе?» энциклопедиясы / Құраст.: Қ.Ж. Райымбеков, Қ.Т. Байғабылов. – Алматы: Аруна, 2011. - 576 бет.