Арыстан — мысық тұқымдасына жататын ең ірі жартқыш жануар. Орталық Африка мен оңтүстік-батыс Азияның саванна, шөлейт аймақтарында, шөлді жерлерінде де кездеседі. Арыстанның дене тұрқы 2 м-дей, салмағы 250 кг-ға жетеді. Құйрығының үзындығы 1 м, онын ұшы қара түсті болады. Арланының мойны мен кеуде жағында қара қоңыр, кейде ұзын кара жалы болады. Ұрғашы мен жас арыстанның жалы болмайды. Арыстан жеке-жеке де, 5-10-нан топтанып та жүреді. Олар 3 жасында жыныстық жағынан жетіліп, 2 жылда бір, 1-6 күшік табады. 30-35 жыл өмір сүреді. Арыстандар ірі сүтқоректілерді — бөкен, зебр, мүйізтұмсық, т.б. аулап, солардың етімен қоректеніп, кейде жануарлардың өлімтегін, тышқандарды да жейді. Негізінен қорегін аулауға түнде шығады. Арыстанның саны өте азайып кеткендіктен, оны аулауға тиым салынған. Үндістанда кездесетін түрі – Халықаралық табиғат қорғау одағының «Қызыл кітабына» енгізілген. Арыстандар негізінен көптеген хайуанаттар паркінде ұсталады.

Дереккөзі: Қазақстан Ұлттық энциклопедиясы[Мәтін]: Т. 1/Бас ред. Ә.Нысанбаев – Алматы: «Қазақ энциклопедиясының» Бас редакциясы, 1998. – 720 бет.