"Балқаш қаласының орталықтандырылған кітапхана жүйесі"
коммуналдық мемлекеттік мекемесі

Коммунальное государственное учреждение
"Централизованная библиотечная система города Балхаш"

Біздің сайтқа қош келдіңіз. Өзіңізге керекті сұрақтардың жауабын табуда осы сайттағы мәліметтердің көмегі тиеді деп үміттенеміз.

Аңдатпа

Мұрағат

Опрос

Кітап сіздің өміріңізде:

Пессин Яков Исаакович

     Пессин Яков Исаакович 1914 жылы Одесса қаласында туған. 1932 жылы энергетикалық техникумды бітірген соң, осы Одесса қаласында трамвай тресінде, ГРЭС-та, энергоинститутта әр түрлі жұмыстар істеді. Ол жұмыс істей жүріп, Одессаның энергетикалық институтының кешкі бөлімінде оқиды.

1941 жылы ол Балқаш қаласына келеді. Яков Исаакович келісімен-ақ, мыс зауытының электрлік цехының бастығының орынбасары қызметіне тағайындалады.

1943 жылы зауыттағы бас энергетика бөлімінің өндірістік-техникалық жұмысын басқарушы болып тағайындалды. Кейіннен Я.И.Пессинді зауыттың бас энергетигінің орынбасары қызметіне жоғарылатты.

Яков Исаакович не бәрі 10 жылдың ішінде Балқаш мыс зауытының энергетика саласын жете меңгеріп, үлкен іскерлік көрсетті.

1951 жылы зауыт басшылығының ұсынысы бойынша КСРО түсті металлургия министрі, оны зауыттың бас энергетигі қызметіне тағайындалып, оны 1980 жылға дейін ойдағыдай атқарды.

1959 жылы Балқаш қалалық халық депутаттары Кеңесінің депутаты болып сайланды.

Яков Исаакович құрметті демалысқа шыққаннан кейін де, энергетика саласындағы жеңіл жұмыстарда істеді. Я.Пессиннің еңбек жолы 66 жылға созылды, оның ішінде 57 жылы Балқаш кен-металлургия комбинатында өтті.

Яков Исаакович жас мамаңдарға ұстаздық көмек көрсетіп, олардың жауапты қызметке қол жеткізуіне көмек етті.

Ол ғылыми, өнертапқыштық істермен де шұғылданды. Өзі басшылық жасап, 1975 жылы комбинаттың энергетикалық шаруашылығын диспетчерлік телевизиялық жүйе арқылы басқарудың жолын енгізді. Электроэнергияның есебін автоматтандырды. Мысты электролиздеуде кремийлік деңгейлестірудің әдісін ойлап тауып, іске асырды. Сол үшін авторлық куәлікке ие болды. Я.И.Пессиннің Балқаш комбинатында ұзақ жылдар бойы сіңірген еңбегі, энергетика саласында ашқан жаңалықтары жоғары бағаланып, 1969 жылы оған “Қазақстан Республикасына еңбегі сіңген энергетик” деген құрметті атақ берді.

1994 жылы 20 қарашада Яков Исаакович Пессинге Балқаш қалалық әкімшілігінің Басшысы және депутаттар жиналысы – мәслихаттың қаулысымен “Балқаш қаласының Құрметті азаматы” атағы берілді.

 

 

Әдебиеттер тізімі:

1. Мұстафин, С. Балқаш қаласының құрметті азаматтары: тарихи-өмірбаяндық очерк /С.Мұстафин.-Балқаш,2000. – 102-103 б.

2. Балқаш. Тарих беттері (1936-2007 ж.ж.): Құжаттар мен материалдар жинағы / Құраст.: Жексенова Н., Исабекова А., Сәкенова Р.- Қарағанды, 2007.-199-201 б.


Дата редактирования: 02 Шілде 2020

Рейтинг@Mail.ru

Яндекс.Метрика