.png)
Ұстаздық жайында халқымыздың ұлы батыры Бауыржан Момышұлы «Ұстаздық — ұлы құрмет. Себебі, ұрпақтарды ұстаз тәрбиелейді. Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді... Өмірге ұрпақ берген аналарды қалай ардақтасақ, сол ұрпақты тәрбиелейтін ұстаздарды да сондай ардақтауға міндеттіміз» деген.
Ұстаздар мерекесі қарсаңында, «Парасат жолы» орталығы аясында «С.Сейфуллин атындағы №7 мектеп-гимназиясы» КММ директордың оқу ісі жөніндегі орынбасары Аханова Айдана Кынаровнамен «Ұстазым менің, ұстазым» атты тікелей эфир өтті. Сұхбат барысында білім беру саласында Қазақстанның жаңа буынын тәрбиелеу, қоғамда қызу талқыланған ұстаздар қауымының мәртебесін арттыру, білім саласындағы жаңа бастамалар жайлы айтылды.
