19 Мамыр 2016

«Әнің болып төгілемін» өнер сағаты

     Композитор, жазушы, публицист, музыкатанушы, Қазақстан мен Қырғызстанның еңбек сіңірген мәдениет қайраткері Ілия Жақановтың 80 жасқа толуына орай №4 кітапхана-филиалында «Әнің болып төгілемін» атты өнер сағаты өткізілді. Кітапханашы  Ілия Жақановтың өмірі мен шығармашылығына тоқталып, видеосұхбат ұсынды. Қатысушыларға  кітаптардан дайындалған  «Фото-тұлғаларды танисыз ба?» деген сұрақ-жауап ойыны өткізіліп, сұрақтар арқылы  І.Жақановтың тағы бір қыры - суретшілігі білініп, осы ерекше  әуестіктің жемісін 78 жасында тапқанын білді.  Дайындалған  кітап көрмесіне шолу жасалынып,  жазушының  «Жүрек пернесі - лирикалық эсселер» деген жаңа кітабы таныстырылып, оның халық арасында кең таралған "Еділ мен Жайық", «Әселім әнім», «Даниярдың әні» әндері Е.Баймағамбетовтың орындалуында тыңдалды.