25 Наурыз 2016

«Наурыз тойы - береке, Наурыз тойы – жыр-аңыз» тарих керуені

       Наурыз  - жылдың басы, күн мен түннің теңелер шағы. Береке мен бірліктің, тазалық пен татулықтың тұғырын нығайтып, риясыз шаттық пен қуанышқа кеңелтер осы Ұлы мереке аясында №1 кітапхана-филиалы ұйымдастырған   «Наурыз тойы - береке, Наурыз  тойы – жыр-аңыз» атты тарихи керуенін өткізді. Ісшараға   №15 мектеп-лицейінің “Жас өркен”  баспасөз орталығының тілшілері қатысты. Қыдыр атаның батасымен ашылған кеш, әсем әнмен жалғасты. Мұқатай  Аманрахим   орындауында  “Адай”, “Балбырауын”  күйлері шертілді. Халқымыздың салт-дәстүрі жайлы әңгіме өрбіп, жыр оқылды. Сондай-ақ  қол күресі, арқан тартыс сияқты қазақ халқының ұлттық ойындары дәріптелді. Көрмеге  ұлттық салт-дәстүріміз, әдет-ғұрпымыз жайлы кітаптар қойылды. Кеш соңында оқушылар  викториналық сұрақтарға жауап беріп, белсене қатысушылар мен ұтымды жауап берушілер арнайы алғыс хатпен марапатталды.