16 Наурыз 2016

«Көктем аруы» қыз сыны

5 наурыз  №5 балалар кітапхана-филиалында 8 наурыз - Халықаралық әйелдер күні мерекесіне арналған «Көктем  аруы» қыз сыны байқауы болып өтті. Байқауда қыздар өз өнерлерімен бiрге қазақ салт-дәстүрлеріне деген бiлiмдерін ортаға салды. Байқау 4 кезеңнен құралды.

Арулар «Сәлем - сөздің анасы» кезеңінде жиналған қауымға өздерін таныстырып,  сахнада өзін-өзі ұстай білу мәдениетін көрсетсе, «Өнерлі өрге жүзер» кезеңінде қазылар алқасына өз өнерлерін паш етті. Ал «Білімді мыңды жығар» сайысында ару қыздардың білім деңгейлері бағаланды. Сонымен қатар, арулар алдын-ала берілген үй тапсырмасына жауап беріп, «Қыздарға әсемдік жарасады» кезегінде киім үлгілерін көрсету бойынша сынға түсті.

Қазылар алқасының шешімімен Ж.Қамбар  - «Ақылды ару», А.Болатбек - «Білімді ару»,  А.Нұржанова  - «Өнерлі ару», А.Абланова  - «Инабатты ару», К.Әбдіғалық  -  «Бұрымды ару»  номинациялары бойынша марапатталды. Жеңімпаздарға арнайы сыйлықтар мен  мақтау қағаздары  табысталды.