Адамзат баласы үшін тілдің маңызы ерекше. Сол тілдің құрметіне 25 жыл бұрын Балқаш қаласының зиялылары тіл мәртебесін  биіктету мақсатында 1990 жылы мемлекеттік тілді дәріптейтін «Сырлас» кітапханасы оқырмандарға  өз есігін ашты.    Сол жылы  осы тойдың  шашбауын көтеруге  Алматылық қонақтар  белгілі ақын-жазушылар С.Сматаев, Ж.Қашқынов, Д.Стамбеков   қатысқан еді. 

«Сырлас» кітапханасына 25 жылдық мерейтойына «Ұлттық ұғымға ұласқан кітапхана» атты мерекелік ісшара 2015 жылдың 20 қараша күні аталып, өткізілді. Мерейтойда кітапхана директоры Л.Власова құттықтау сөз айтып, белсенді оқырмандарға алғыс хаттар тапсырылды. Кітапхана тарихынан көптеген қызықты мағлұматтар айтылып, мәдени сауықтыру  орталығының әншісі Е.Баймағамбетов пен «Гүлдерай» би тобының жас бишілері ісшараның көріктігін ашты.