04 Қараша 2015

Оқырмандыққа қабылдау

А. Гайдар атындағы орталық қалалық балалар кітапханасында жыл сайын бірінші сынып оқушылары арасында  «Оқырмандыққа қабылдау» іс-шарасын өткізу дәстүрге айналды. Осындай шара оқырмандардың кітап оқуға деген қызығушылықтарын арттыру, оқу мәдениетін дамыту мақсатында аталмыш кітапханада 3 қараша күні өтті. Балалар сынып жетекшісі және ата-аналарымен бірге кітапхана залдарына саяхат жасап, көптеген қызықты көрмелерді тамашалады. Жұмбақтар шешіліп, сұрақ –жауап ойыны өткеннен соң балаларға кітапхана ережесі және қалай пайдалану керектігі жайлы жазылған кітап белгі баулары  таратылды. Жас оқырмандар қатарына қоса отырып, кітапханашылар бірінші сынып оқушыларына  мерекелік көтеріңкі көңіл-күй сыйлады.