23 Қазан 2015

Кітапханаға саяхат

С.Сейфуллин атындағы Орталық қалалық кітапханада экскурсияларды өткізу дәстүрге айналды. 2015 жылдың 21 қазан күні кітапхана  қаламыздың Медициналық колледжінің  бірінші курс студенттерін қарсы алды. Олар кітапхана тарихымен, жаңа инновациялық ресурстармен, бай кітап қорымен және сирек кітаптармен, мобильдік кітапханамен танысып, QR-кодтармен қалай жұмыс істеу керек туралы білді. Заманауи кітапхана – бұл тек қана кітаптар мен әдебиет емес, сонымен қатар инновациялық орталық болып табылады. Жастар кітапхананың қызметтерімен танысты – ғаламтор жүйесі бар компьютерлік зал, мәтінді теру, сканер жасау, Wi-Fi орталығы, квест ойындары және т.б.

Ісшара соңында кітапханамызға  келген  медициналық  колледж студенттері жақсы көңілмен қайтты, өз ойларымен бөлісіп, кітапханаға жазылды.