07 Сәуір 2015

«Талап деген бір жүйрік тұлпар сынды»

Республикалық «Жас Өркен» серіктестігі  2014 жылдың ақпан айын «Үш бәйтерек» жылы деп атап, бәйге жариялаған еді. «Үш бәйтерек» - ол қазақ балалар әдебиетінің классик ақын аталары: М.Әлімбаев, Қ.Мырза-Әли, Т.Молдағалиев. 3 сәуір күні №4 кітапхана-филиалында осы  авторлардың шығармашылығын ақпараттап, өлеңдері  айтылып, кітап көрмелері, ойындар, викториналар мен слайдтар көрсетілді. Техника тілін жетік меңгерген кітапханашы, майталман маман  Жанар Алиева дайындаған 6 түрлі жұмыс бәйгеге тапсырылған болатын. Сонымен қоса жылжымалы кітапханалар «Жұлдыз», «Балдырған»  бала бақшаларының жас бүлдіршін оқырмандары, №15 мектеп-лицейінің оқушысы  Нұрасыл Камшаттың қатысуымен  аудио-видео материалдары дайындалды. Осы  жіберілген 6 материал  6 турдан өтіп, бәйгегеден 1-орын алды.  «Балдырған» бала бақшасының меңгерушісі Сүйгенбаева Зауреш Сүйгенбайқызына,  бала тәрбиесіндегі белсенді еңбектері үшін  тәрбиешілерге, сонымен қатар балаларға да алғыс хаттар  тапсырылды.