22 Желтоқсан 2014

«Болмысы бөлек биік тұлға» әдеби – танымдық сағат

Қазақтың қайраткер-қаламгері Жүсіпбек Аймауытовтың 125  жылдығына   арналған «Болмысы биік  бөлек тұлға» атты әдеби танымдық  сағат 2014 жылдың 19  желтоқсанында С.Сейфуллин атындағы орталық қалалық кітапханасында өтті. Мақсаты:  жазушы, драматург, сыншы, ұстаз , аудармашы Жүсіпбек Аймауытовтың өмірі мен шығармашылығын таныстыру, өлеңдерін мәнерлеп оқуға  дағдыландыру және ақын талантын шәкірт жүрегіне ұялату. Ж. Аймауытовтың шығармаларын таныстыра отырып  елге, тілге деген сүйіспеншілік сезімдерін арттыру.

Кітапханашы  Ештанаева А.Қ. жазушы  өмірі мен шығармашылығынан   мағлұмат  беріп, еңбектерімен таныстырды. Ісшарада академик Ж.С. Ақылбаев атындағы маңызды білім беру  колледжінің студенттері   Жүсіпбек Аймауытовтың «Қанапия Шарбану» әңгімесінен  көрініс көрсетіп, ақынға арнау оқып, ән  шырқады.

Кеш барысында  жазушының  еңбектеріне  арналған   флеш галерея көрсетіліп, кітап көрмесіне шолу жасалынды.