18 Желтоқсан 2014

Отантану сағаты «Тәуелсіздік шежіресі»

1991 жылы 16 желтоқсанда Қазақстан өзінің тәуелсіздігін жариялады. Бұл қазақ тарихындағы ғасырлар бойы аңсаған арманның орындалған күні болды. Осыған орай, 12  желтоқсанда  №5 балалар кітапхана- филиалында «Тәуелсіздік  шежіресі» атты  отантану сағаты болып өтті.

Кітапхананың оқу залында « Ата - бабам аңсаған - Тәуелсіздік» атты кітап көрмесі ұйымдастырылды. Көрменің негізгі идеясы - қазақ мемлекетінің сан ғасыр бойы қалыптасу тарихын  балаларға дәріптеу. Бұл мерекелік іс-шарада кітапханашы осы тәуелсіздігіміз үшін,  Желтоқсан оқиғасында құрбан болған батыр ұлдарымызбен,  қыздарымыздың өмірі туралы слайд көрсетіп, негізгі оқиғалары жайында баяндап берді. Ал 4 сынып оқушысы Сұраған Нұрлан  батыр аға - апаларына  арнап  М. Шахановтың  «Лаула, лаула желтоқсанның мұзда жанған алауы» атты өлеңін айтып берді.  Кешіміз  барлық балалардың  орындауындағы «Менің  Қазақстаным»  мемлекеттік  гимнімен  аяқталды.