18 Желтоқсан 2014

«Менің елім - Қазақстан» әдеби-сазды кеш

Тәуелсіздік күніне қарсы №3 кітапхана-филиалында  «Менің елім - Қазақстан» атты әдеби-сазды кеш өтті.

Мақсаты: Тәуелсіздік туралы терең мағлұмат беру. Ата-бабамыздың тәуелсіздік жолындағы ерлігін үлгі етіп, өз Отанын сүюге, еліне, халқына қызмет етуге тәрбиелеу. Еліміздің тәуелсіздігін атап өту қарсаңында ел тарихына шолу жасалды. Тәуелсіз еліміздің жетістіктерімен таныстырып, оқушылар білгендерін  ортаға  салды.

Кеш барысында оқырмандарға Тәуелсіз еліміздің 23 жыл ішінде алған асулары мен бастан өткерген қиыншылықтарына тоқталып, біраз  ақпарат берілді. Оқушылар   ақындардың тәуелсіздік, отан тақырыбына жазған өлеңдерін, қара өлеңдерді нақышына келтіріп, жатқа оқып берді. «Қазақстан», «Мәңгі жаса Отаным» әндерін шырқап, «Қосалқа», «Бозінген» күйлері шертілді. Ісшараға арнайы слайд жасалып, кітап көрмесі ұйымдастырылды.