18 Желтоқсан 2014

«Тәуелсіздік-азаттығым, бақ күнім!» тарихи сағат

Еліміздің тәуелсіздік күніне арналған «Тәуелсіздік- азаттығым, бақ күнім!» атты тарихи сағат  2014 жылдың 12 желтоқсанында С.Сейфуллин атындағы орталық қалалық кітапханасында болып өтті.

Бұл іс шараның мақсаты Қазақстанның тәуелсіздікке жету жолындағы тарихын айту арқылы жастар бойына еліне, жеріне,  ұлтына деген патриоттық  сезімін  қалыптастыру және елімізге тәуелсіздіктің оңай жолмен келмегендігін түсіндіру. Сондай-ақ тарихи тағылымнан өнеге алып, өскелең ұрпақтын имандылық  және елжандылық сезімдерін дамыту.

Кітапханашы Туғанбаева Қ.Н.Тәуелсіздік еліміздің киелі де қастерлі ұғым екендігін, халқымыздың тарихынан қысқаша хабарлама берді.

Тарихи сағатқа медицина колледжінің студенттері   Манатбеков Айбек,  Серіков Аян, Бөрібай Айганым Қайрат  Рысқұлбековтың өмірінен көрініс көрсетіп, Тәуелсіздікке арналған өз өлеңдерін оқыды.

Қатысушылар тәуелсіздікке арналған галлереяны  тамашалап «Желтоқсан желі» атты әнімен кешті аяқтады. Іс шара соңында көрермен назарына  кітап көрмесі ұсынылды.