09 Желтоқсан 2014

«Желтоқсан жаңғырығы» кітап көрмесі

Талай боздақтың қаны төгіліп, жастарға жазықсыз жапа шектірген Желтоқсан оқиғасына биыл 28 жыл толып отыр. Ширек ғасыр өтсе де, қанды қырғынның ызғары оқиға  куәгерлерінің  өмірлерінен өшпестей орын алды.                 

Осыған байланысты  2014 жылдың  6 желтоқсанында  №3 кітапхана-филиалында ”Желтоқсан жаңғырығы”  атты  кітап көрмесі ұйымдастырылды. Көрмеге 1986 жылғы желтоқсан оқиғалары туралы материалдар, суреттер, кітаптар мен журналдар қойылды.

Қазақстан 1986 жылғы желтоқсан оқиғаларынан кейін тура 5 жыл өткен соң 1991 жылы 16 желтоқсанда өз тәуелсіздігін жариялады. Кітапханашы кітап көрмесіне шолу жасап, тарихи оқиға жайлы мағлұмат берді. Соңынан оқырмандар керек кітаптарын өздеріне жаздырып алды.