28 Қараша 2014

«Ұлттық рухтың қызғыш құсы» поэзия кеші

Өлкеміздегі ақын қазақ әдебиетінің шығармашылық мәртебесін көркейтіп, өз жолында саналы  өмірін түгелдей руханиятқа арнаған, біздің қаламыздың «Балқаш өңірі» газетінің редакторы, ақын-жазушы, Қазақстан Жазушылар Одағының мүшесі, Қазақстан журналистер Одағының мүшесі, «Қаламгер» қоғамдық бірлестігінің төрағасы Жанболат Башарұлының 65 жылдық мерейтойына арналған «Ұлттық рухтың қызғыш құсы» атты поэзия кеші  2014 жылдың 27 қарашасында С.Сейфуллин атындағы орталық қалалық кітапханасында өткізілді.

Бұл шараның мақсаты: Жанболат Башарұлының өлеңдерін, жырларын жас ұрпаққа насихаттап, еліне, туған өлкеге деген сүйіспеншілігін арттыру.

Кешке қала басшылығы, қаламдас достары, құрдастары және колледж студентері қатысты. Кітапхана қызметкері Шахарова К.Б.  ақынның шығармашылығымен және еңбек жолымен  таныстырып, кешті жүргізді.

Кеш барысында акын өзінің өлеңдерін оқып, жыр кұмар қауымға өзгеше әсер, өзіндік лаззат шуағын сыйлады. Кешке келген қонақтарға сөз беріліп, өзіндік қолтаңбасымен қазақы сөзбояуымен  шеберлігімен ерекшеленетін ақынға ыстық лебізін білдірді.

Ісшарада ақынның жаңа шыққан «Кепиет» кітабы таныстырылып, слайд көрсетіліп, көрме ұйымдастырылды.