26 Қараша 2014

«Ел сенімін ақтаған Елбасы» поэзия кеші

Қазақстан  Республикасының Тұңғыш Президенті күніне арналған «Ел сенімін ақтаған Елбасы» атты поэзия кеші 2014 жылдың 26 қарашасында С.Сейфуллин атындағы орталық қалалық кітапханасында болып өтті.

Бұл ісшараның мақсаты - жас ұрпаққа Елбасының ерекше қасиет-қадірін, тұлғалық тұғырын түсіндіру, Елбасымыздың ерен еңбегін мақтаныш сезімімен көрермендер бойына сіңіру, мемлекеттік тілдің мәртебесін көтеру, ұлттық поэзия ізін жалғар өскелең ұрпақтың шығармашылық өнерін көпшілікке паш ету.

Кітапханашы Туганбаева К.Н. жастар саясатын іске асыру жолындағы жоспарлары жөнінде, Елбасымыздың 2014 жылдың 11 қараша күні «Нұрлы жол - болашаққа бастар жол» жолдауының 7 негізгі бағытымен таныстырды.

Әдеби кешке №2, №8, №9 орта мектептерінің оқушылары, «Қазақмыс» корпорациясының политехникалық колледжінің  студенттері Елбасымызға арналған өз арнауларын оқыды. Қатысушылар Н.Назарбаев туралы флэш галереяны тамашалап, «Нұраға» атты әнді тыңдады. Ісшара соңында олардың назарына кітап көрмесі ұсынылды.