14 Қараша 2014

«Балалық шаққа саяхат» әдеби сағат

Балалар жазушысы Бердібек Соқпақбаевтың 90-жылдық мерей тойын мерекелеу қарсаңында  №1 кітапхана-филиалында «Балалық шаққа саяхат» атты әдеби сағат болып өтті. Кеш қонақтары №16 орта мектебінің 6-сынып оқушыларына жүргізуші А.Тілеуберлина Б.Соқпақбаевтың балалық, жастық шағын, шығармашылық жолымен таныстырды. Кеш слайд көрсетілімімен жалғасын тапты.

Әдеби сағат жазушының шығармалар жинақтары, «Менің атым Қожа», «Балалық шаққа саяхат», «Аяжан» және тағы басқа кітаптары қойылған көрмеге шолу жасалуымен аяқталды. Бұл кітаптардың кейіпкерлері – қайырымды, ақылды, қиқар, еңбекқор балалар мен үлкендер. Жазушының шығармалары Отанды сүюге, тарихты ұмытпауға, қоршаған ортаға қайырымдылықпен қарауға тәрбиелейді.