24 Қазан 2014

Біз мерейлі мерекемізді тойлаудамыз

Осы жылы С.Сейфуллин атындағы қалалық орталық кітапхананың 80 жылдық және жазушы, қоғам қайраткері С.Сейфуллиннің 120 жылдық мерейлі мерекесін атап өтудеміз.

  Мереке қала басшысының, Н.Гоголь атындағы облыстық ғылыми-әбебап кітапхана директорының, оқу орындары мен мекемелердің, ұйым басшыларының, БАҚ өкілдерінің, ардагерлердің құттықтау сөздері айтылып, жергілікті мәдени-сауық орталығының музыкалық бағдарламаларымен басталды.

  Салтанантты шара «Кітапхана түні» бағдарламасымен жалғасын тапты. «Сәкен – жырдың сарқылмас дариясы» атты әдеби рандеву  оқырмандардың ерекше қызығушылығын оятты. Жүргізуші – кітапханаларды дамыту және әдістемелік жұмыс бөлімінің  меңгерушісі Б.К.Мухаметжанова С.Сейфуллиннің өмірі мен шығармашылығы жайлы баяндады. Қала колледждерінің студенттері мен оқырмандар ақынның өлеңдерін оқып, театрланған көрініс ұсынды. Автоматтандыру секторының жұмыскерлерінің дайындауымен С.Сейфуллин жайлы электрондық фото-видео материалдар ғаламтор-залындағы компьютерлер жадына енгізілді.

  «Өзің оқы да, өзгеге ұсын» атты үндеуімен ұйымдастырылған «Буккроссинг» акциясына жастар мен үлкендер қатысып, 250 кітап өз оқырмандарын тапты.

   Жұмбақ жауабын дұрыс тапқан әр қонақ үшін түрлі сусындар сыйға берілетін «Коктейл-бар» жұмыс жасады.

   Келесі залда «Кокология» жапондық ойыны өтті, мұнда әр жағдайларға тест сұрақтарына жауап беру арқылы өз жан-дүниесін тануға мүмкіндік туды.

  Кітапхананың «Всемирная паутина» ғаламтор-залында пайдаланушылар тек компьютермен жұмыс жасап қоймай, сонымен қатар интеллектуалды квест-ойындар ойынауына мүмкіндік туды.

  «Жыр жазамын жүрегімнен» атты әдеби салоны, өз өлеңдері мен сүйікті авторлардың шығармашылығын оқуға құмар поэзия өкілдеріне есігін айқара ашты.

   Кітапханаға алғаш жазылушыларға кез-келген кітапхана филиалдарында ғаламтор-залын жыл соңына дейін ақысыз пайдалану жолдамаларына ие болды.

   Вавилова Алланың басшылығымен «Қиялшылдар әлемінде» қолөнер залы жұмыс жасады, онда оқырмандар күз пейжазын жасауды, шанышқымен тоқуды және т.б. үйренді. 

  Өнер сүйер қауымға «Биле,биле» атты би классы жұмыс жасап, «Северный берег» және «Цепелин» рок-топтарының өнерін тамашалауға мүмкіндік туды.

  Нәтижесінде әр залды орта есеппен 100-ге тарта оқырман қызықтады. Кеш соңында «Кітапхана түнінің» тұрақты оқырмандарына естелік сыйлықтар ұсынылды. «Кітапхана түні» мерекесі Балқаш қаласының түнгі аспанына  жанатын фонарлардың ұшырылуымен аяқталды.