15 Қазан 2014

Кездесу кеші «Бағы да, бақыты да - Саяқ»

Саяқ кентінің  50 жыл толу мерейлі мерекесіне орай  №6 кітапхана-филиалында Саяқ кенішінің бас геологы қызметін атқарған еңбек ардагері, Балқаш қаласының құрметті азаматы, 3 – дәрежелі «Кенші даңқы» белгісінің иегері, тас кен орны 21 «Саяқ-1 Мраморныйды»  ашқаны үшін  «ҚР кен орнын алғаш ашушы» Құрмет белгісінің иегері, құрметті зейнеткер Нәбиев Ерлан Ражанұлымен кездесу өтті. Кездесуді өткізу мақсаты –  кеніш тұрғындарының достығы мен рухани бірлігін одан әрі нығайту. Жастарды аға ұрпақтың еңбектегі және өмірдегі жоғарғы үлгілерінің негізінде патриоттық тәрбие беру бағытталды. Бұл аталмыш шараға № 29 ОМ жоғарғы сынып оқушылары мен оқырмандар, ұстаздар  қатысты.  Кітапханашы Т.Жакыпбекова  өлкенің дамуы мен өркендеуіне зор еңбек сіңірген кеншінің өмірі жайында тереңірек айтты. Геолог болуды бала кезден армандадыңыз ба?, Кеніш өмірінің қиыншылық кезеңінен әңгімелеп берсеңіз?  т.б. сұрақтарына кеш қонағының тұшымды айтылған әңгімелері тыңдаған адамды тебірентіп, бей-жай қалдырмады.

Ерлан Ражанұлының өмірі болашақ жастар үшін – оразан үлгі. Әлі де болса, ауылымыздың келешек тағдыры үшін алаңдайды. Қоғамдық жұмыстарына белсене араласып, іс – шараларға қатысады. Жастарды патриоттыққа, адалдыққа, еңбекқорлыққа тәрбиелейді. Кеш соңында қонаққа естелік сыйлық тарту етіліп,  «Бағы да, бақыты да - Саяқ» атты кітап көрмесіне шолу жасалды.