14 Қазан 2014

Ертеңгілік «Үйшікей ертегі кейіпкерлері бізде қонақта»

Жылда  қазан айының екінші демалысы  мүмкіншілігі шектеулі балалардың   мерекесін  Қоңырат мөлтек ауданындағы №5 балалар кітапхана-филиалы  ерекше атап өтеді.  Бұл жолы олар мүмкіншілігі шектеулі балаларға  арнап  «Үйшікей ертегі кейіпкерлері бізде қонақта»  атты  ертеңгілік  ұсынды. Мектеп оқушылары    «Үйшікей»  ертегі кейіпкерлері болып киініп,  мүмкіншілігі шектеулі балаларға көтеріңкі  көңіл күй сыйлады.  Кеш арасында «Соқыртеке», «Мысық пен тышқан» ойындары ойнатылып, балалар бір серігіп қалды.  Мүмкіндігі шектеулі Игембай  Айнұр  өзбек биін   биледі. Кішкентай Тұрлыбекова Нұрай тақпақ  айтып, көрермендерді таң қалдырды.  Кеш соңынан барлық балалар «Ертегі әлемі»  әнін қосыла шырқады.