10 Қазан 2014

Әдеби ойын «Балалық шаққа саяхат»

Биыл қазақ әдебиетінің көрнекті өкілдерінің бірі, балалар үшін жаралған жан,  жазушы Бердібек Соқпақбаевтың  90 жылдық мерейтойы барлық жерде аталып өтілуде.  Осыған орай,  9 қазанда  №5 балалар кітапхана-филиалында  «Балалық шаққа саяхат» атты әдеби ойын өткізілді.  Әдеби ойынымыздың қонағы  «Менің атым қожа» повесінің кейіпкерлері   Қожа, Сұлтан, Жанар болды.   Әсіресе  кешке қатысқан балаларға  Қожа өте қатты ұнады.  Кеш барысында кітапханашы  балалар арасында жазушының «Балалық шаққа саяхат»  кітабының кейіпкерлері туралы  сауалнама жүргізді.  Кеш өте қызықты өтті. Кішкентай оқырмандар жазушының кітаптарына қызыққандары сонша бірнеше кітапты үйге жаздыртып алды.