03 Қыркүйек 2014

Отбасы күні

Қазақстан Республикасының Елбасы Н.Назарбаевтың жарлығы бойынша жыл сайын қыркүйек айының екінші жексенбіде «Отбасы күні» атап өтіледі. Осы мерекенің қарсаңында №3 кітапхана-филиалында «Жанұяңызға татулық тілейміз» атты кітап көрмесі ұйымдастырылды және 31 тамыз күні «Әкем, анам және мен – оқымысты отбасы» атты отбасылық оқылым өткізілді. Шараның басты мақсаты: қоғамды кітап оқуға ынталандыру. Мерекеге балалар мен олардың ата-аналары қатысты. Өздері оқыған кітаптары жайлы өз ойларымен бөлісті. Оқырмандардың поэзияға, ертегілерге, фантастикаға, сонымен қатар Ұлы Отан соғысы туралы жазылған кітаптарға құмарлығы байқалды.

Отбасылық оқылым барлығына айтарлықтай пайда әкелді.

Мереке соңында ата-аналар мен балалар әдеби викторина сұрақтарына жауап беріп, соның нәтижесінде Ненадовец отбасы білімді және белсенді болып ерекшеленді.