28 Тамыз 2014

Кітапханаға саяхат

Әрдайым орталық қалалық балалар кітапханасына жаңа оқырман келгенде кітапханаға саяхат жүргізіледі. Осындай саяхат 27 тамыз күні мүмкіндігі шектеулі жандарға рухани демеу болып, баланың бойына жастайынан ізгілік, мейірімділік, қайырымдылық, өз-өзіне сенімділікті арттыру мақсатында өткізілді. Келген балалар кітаптардың көптеген ғажайып түрлерімен танысты. Алғаш рет осындай үлкен кітапханаға келген балаларға бәрі қызықты болып көрінді. Кітапхана бөлімдерінде болып, балаларға арналған көптеген суреттері бар энциклопедиялар мен анықтамалармен танысып, қызықты және танымдық кітаптарының жиынтығы бар екендігі жөнінде, сонымен қатар кітаптарды қалай дұрыс пайдалану туралы білді.

Ата Заң күнінің қарсаңында өткен қызықты да танымды саяхат Қазақстан Республикасы Конституциясының тарихына шолу жасалу, слайд арқылы маңызы және мәні айшықталуымен жалғасын тапты. Балалар  «Мұны әркім білу керек» атты құқықтық викторинаға қуана жауап беріп, Отан, табиғат жайлы өлеңдер оқыды, «Қазақстан», «Балқаш» атты сөзжұмбақтарды шешіп, «Сенің құқығың» атты ертегі әлеміне ғажайып саяхат жасады. Кеш соңында тәтті үйлестіріліп, қолдан жасалған бұйымдар  сыйға тартылды.