25 Тамыз 2014

«Ертегілер сандығы» викторина ойыны

Орталықтандырылған  кітапхана  жүйесінің  №2 кітапхана-филиалында  «Ертегілер сандығы» атты викторина ойыны  ұйымдастырылды. Мақсаты: балаларымызға  қазақ елі, жері, суы, төрт түлік мал, жануарлар мен табиғаттың  сан  алуан  құбылыстары  жөнінде  ертегілер  арқылы мағлұмат беру. Викторина ойынына  10  оқушы қатысты. Шара  барысында балалар кітаптар алып, өздеріне ұнайтын «Түлкі мен бөдене», «Алдар көсе», «Қаңбақ шал», «Алтын сақа» және т.б. ертегілерін оқып, кейіпкерлері жайында пікірлерін ортаға салды. Оқушылар  сандық  ішіндегі қойылған викторина  сұрақтарын алып, сұрақтарға  ынталана  жауап  беріп, суреттер бойынша ертегілердің  атауын  таба  білді. Ісшара балалар үшін өте қызықты, көңілді және мазмұнды өтті.