21 Тамыз 2014

«Қазақ жеріндегі ядролық қару» тарихи сағат

2014 жылдың 21 тамыз күні №4 кітапхана-филиалының оқырмандарымен «Қазақ жеріндегі ядролық қару» атты тарихи сағаты өткізілді. Ісшараға қала колледждерінің абитуриенттері мен мектеп оқушылары қатысты. Мақсаты – қазақ жерінде ең ірі сынақ алаңы болған «Семей» полигонында бірінші ядролық қарудың сынақтан өткізілгеніне 65 жыл толуын атап кету, оның зардабы туралы айту. Кітапханашылар сол зұлматтан құтқаруда басты роль атқарған «Невада-Семей» қозғалысының өмірге келу жағдайына кең көлемде тоқталып, қозғалыс жетекшісі Олжас Сүлейменов туралы мағлұматтар берді. Полигон зардабы туралы суреттер көрсетіліп, балалар өз ой-пікірлерімен бөлісті. Соңында қатысушылар ісшара тақырыбына қатысты әдебиеттермен танысты.