20 Тамыз 2014

«Толағай» спорттық сайыс

19 тамыз Қоңырат мөлтек ауданында орналасқан  №5 балалар кітапхана-филиалында    «Толағай»  атты спорттық сайыс болып өтті.  Мақсаты – балалардың жазғы демалысын қызықты өткізу, салауатты өмір салтын насихаттау. Сайыс ережесі бойынша  балалар екі топқа бөлініп, «Спортивный Казахстан. Энциклопедический справочник», Ө.Жолымбетовтың «Спорт әлемі», «Қазақтың ұлттық ойындары», А.Құлназаров пен Ө.Жолымбетовтың «Қазақстан – спортшылар елі» кітаптарынан    «арқан тартыс», «қап киіп жүгіру»,  «кім бірінші?» және т.б. ойындар тізімі алынып, солар арқылы балалар жарысы сынға түсті. Бірінші топ өздерін   «Сұңқар»,  екінші топ   «Арлан»  деп таныстырды. Бұл сайыс  спорт  алаңында  өткізілді.  Жарысымыз әділ өту үшін әділқазылар мүшесі тағайындалынып, олар балаларға өз бағаларын берді. Сайыс қорытындысы бойынша бірінші орынды «Арлан»  тобы жеңіп алды. Балалар ескерткіш сыйлықтармен  марапатталды.