17 Шілде 2014

Ойын-викторина «Астана тарихы – елімнің тарихы»

Балаларды үнемі шығармашылыққа, кітап оқуға баулитын А.Гайдар атындағы орталық  қалалық балалар кітапханасында жазғы демалыс мезгілінде балалардың дұрыс демалуымен қатар, олардың ой-қабілеттерін кеңейтуге барынша тырысады.

Осы орайда Елордамыздың туған күнінде «Астана аллеясында» тарихымызда негізгі орын алатын тақырыптардың бірі – туған жер тарихын зерттеп білу, оның тарихи тұлғаларын, қоғам қайраткерлерін, ұлы адамдарын, тарихи кезеңдерін білу мақсатында «Астана тарихы – елімнің тарихы» атты ойын-викторинасын өткізді. Қала тұрғындары және қонақтары белсене қатысып, сұрақтарға жауап берген ең көп жұлдызша жинаған қатысушылар викторина жеңімпаздары болып танылып, сыйлықтарға ие болды. Викторинаға тек балалар ғана емес, сонымен қатар ата-аналар да қызығушылық білдіріп, асқан ынтамен жауап беріп жатты.