11 Маусым 2014

«Ашық кітапхана» акциясы

«Балқаш қаласының орталықтандырылған кітапхана жүйесі»КММ-сі                    2014 жылдың 1 маусымынан 1 қыркүйекке дейін «Ашық кітапхана» акциясын жариялады. Осы акция аясында ОКЖ кітапханаларының кітапханашылары  жұмыс жүргізуде. 11 маусым күні С.Сейфуллин атындағы қалалық орталық кіапханасына қалалық гимназияның және №17 орта мектеп жанындағы жазғы лагерлердің демалушылары саяхатқа келді. Саяхатшылар 80 жылдық тарихы бар кітапхана жайлы, кітапхана бөлімдерінің қызметі, «Бір ел – бір кітап» республикалық акциясы, «Жеңіс жалауына 70 кітап оқы!» кітап көрмесі және С.Сейфуллиннің 120 жылдығына орай жақында ғана ашылған Сәкен залымен танысты. Оқу залындағы әр түрлі тақырыптағы энциклопедияларды  көріп, білмеген сұрақтарын қойып, кітапханашыларға алғыстарын білдіре тарқасты.