03 Тамыз 2012

«Салауатты өмір салты» атты маман-дәрігермен кездесу.

2012 жылдың 31 шілдесінде  С.Сейфуллин атындағы қалалық орталықтандырылған кітапханада «Салауатты өмір салты» тақырыбында қаламыздың №3 емханасының терапевт-дәрігері Ботбаев Сейдулла Ахмедиұлымен кездесу болып өтті.
Оқырмандар тарапынан дәрігер-маманға  бірқатар сұрақтар қойылды. Дәрігер-маман кітапхана оқырмандарына адам үшін денсаулықтың басты байлық екендігін, сондай-ақ, салауатты өмір салтын ұстанудың қажеттілігі жайында ақыл-кеңес берді.
С.А.Ботбаев қаламызда салауатты өмір салтын насихаттаудың негізгі факторларын төмендегідей атап көрсетті:

• экологиялық және тұрмыстық қауіп-қатер факторларын төмендету;
• емделушілердің тұрмыс сапасын жақсарту;
• жұқпалы аурулардың алдын алу;

Адам денсаулығы – қоғам дамуының басты байлығы.

Кездесу соңында оқырмандар салауатты өмір салтын сақтамай сау болу мүмкін еместігі жайында ой түйіп тарқасты.