16 Қараша 2011
2011 жылдың 15-қарашасында С.Сейфуллин атындағы орталық кітапханада «ХХІ- ғасыр індеті» тақырыбында Балқаш қаласы бойынша ЖИТС-ке қарсы күрес орталығының маманымен оқырман қауым арасында ашық әңгімелесу болып өтті. Осы іс-шараға аталған орталықтың эпидемиолог-дәрігері Аманкулова Виолетта Шамшитовна мен қаламыздағы №2, №4 кәсіптік лицейлердің студенттері қатысты.
Отырыс барысында бейнеролик көрсетіліп, ЖИТС-тің қандай қауіпті ауру екендігін, оның қандай жолдармен тарайтынын, дерттің алдын-алу, онымен күресу туралы кеңес бере отырып, тыңдармандармен екі тілде сауалнама жүргізіліп, ойын-тренингі өткізілді. Ойын-тренингіне оқушылар белсене қатысып, өз жауаптарын қағазға жазып, қорапшаға салды. Соңынан жауаптары оқылып, сарапқа салынды.
Іс-шарамызды қортындылай келе, «Адам азса- заман тозады» дегендей оны жаңарту да, құрдымға құлдырату да өзімізге байланысты.
Саналы адамзаттың көздеген мақсаты есірткі мен ЖИТС- ауруына қарсы тұру, қоғамға ел болашағына нұқсан келтіртпей, азамзаттың, қоғамның саулығын қорғау болуы керек.
Денсаулық - бірдің ғана емес, мыңның байлығы және баршаға ортақ байлық.