14 Қараша 2011
Жарты ғасыр бойы қаламы қолынан түспей, құнарлы да шұрайлы шығармаларымен оқырмандарының ыстық ықыласына бөлеген ақиық ақын Тұрсынхан Әбдірахманқызы биыл 90 жасқа толып отыр. Ақынның мерейтойына арналып 11- қарашада Қоңырат кентіндегі №5кітапхана филиалында ақынның өмір жолын, шығармашылығын насихаттау мақсатында «Адал сезім, назды лебіз» атты әдеби поэзия кеші болып өтті.
Мен бұлай жырламасам ақынмын ба!
Елімнің төл тарихы жатыр мұнда - деп жырлаған ақын апамыздың кітаптарының негізгі арқауы – Отан, ел тағдыры, халық қамы, заман сыры. Кешке №25 мектептің 7-9 сынып оқушылары қатысып, әрі ақын, ірі ғалым, әрі әнші Тұрсынхан Әбдірахманованың өмірі шығармашылығымен танысып, өлеңдерін оқып берді.