20 Қазан 2011
2011 жылдың 19 қазанында С.Сейфуллин атындағы қалалық орталық кітапханада Ұлтаралық келісім күніне байланысты «Халықтың рухани үндестігі» атты қаламыздың Орталық мешітінің бас имамы Аманжолов Марат Құрбанбекұлымен кездесу өтті.
Қазақстанда тұратын ұлттар мен ұлыстар бір шаңырақтың астында тату-тәтті өмір сүруде. Осының бәрі Елбасымыз Н.Ә.Назарбаевтың көрегенді саясатының қоғамдағы азаматтық ынтымақтастық пен ішкі саяси тұрақтылықты сақтау стратегиясын дұрыс таңдап, ұлтаралық қатынастарды реттеудің тиімді тетіктерін жасай білуінің арқасында мүмкін болуда.
Бұл іс-шараға қаламыздағы «Болашақ» колледжі, №9, 8 орта мектеп оқушылары қатысып, кездесу барысында қаламыздың бас имамына көкейлерінде журген сұрақтарын қойды, дәстүрлік ислам мен экстремистік қауымдастық арасындағы қарама-қайшылықтарды, жастардың хиджап киюін т.б. Бас имам Марат Құрбанбекұлы жастарға секталардың азғыруына көнбей сұрақтарын орталық мешітке келіп сұрау керегін айтты. Кездесу жүргзушісі имамға алғысын білдіріп, жас ұрпақты еліміздің даму үшін достық пен тыныштықта өмір сүруге шақырды.