19 Қыркүйек 2011
2011 жылдың 16 қыркүйегінде С.Сейфуллин атындағы қалалық орталық кітапханада қала күніне арналған «Көкше көлді тербетеді өлең – жыр» атты поэзия сағаты өтті.
Поэзия сағатының мақсаты қаламыздың жеткіншек жастарын, мектеп оқушыларын өз жерінің тарихымен таныстыру, туған өлкесі мен жеріне деген сүйіспеншіліктерін арттыру, қадірлеп – қастерлеуге үйрету.
Поэзия сағатында Балқаштың тарихы, Балқаштың көркеюіне өз күштерін аямай тер төккен құрметті азаматтары жайында мағлұматтар берілді. Сонымен қатар, тәуелсіздік алғаннан бергі 20 жыл ішіндегі қаланың әлеуметтік, мәдени, саяси жағынан жеткен жетістіктері жайлы хабардар етілді.
Поэзия сағатында «Қазақмыс» корпорациясы мен «Болашақ» колледжінің студенттері, М.Русаков атындағы №2 интернат оқушылары жергілікті ақындарымыз Ә.Кәріпбайтегінің, Ж.Башардың, О.Мәмбетаевтың, К.Бекмағамбетовтың өлеңдерін оқыды.