03 Маусым 2011

«Менің айналам. Менің әлемім» атты балалардың сурет байқауы

1маусым- Халықаралық балаларды қорғау күнін Қоңырат кентіндегі №5 балалар кітапхана-филиалында  жарқын да, мазмұнды мерекелік бағдарламамен қарсы алды.Бұл күні келем деушілерге кітапхана есігі айқара ашылды.
Мерекелік бағдарламада «Менің айналам. Менің әлемім», «Нағыз епті» тақырыбында асфальтқа сурет салу, эстафета байқаулары өткізілді. Іс- шараға қатысқан №3, №25 орта мектептерінің жасөспірімдері, «Айсұлу» балабақшасының бүлдіршіндеріне берілген тақырып: жер бетіндегі тіршілікті аялау. Қазылар алқасы өзінің ойын нақты жеткізе білген №3 орта мектебінің 4 сынып оқушысы Түсіпова Қафияның «Менің Қазақстаным. Менің әлемім» суретін жоғары бағалап, арнайы сыйлықпен марапаттады.Қызықты да , көңілді өткен «Нағыз епті» эстафетасында балалар өздерінің ептілігі мен өжеттілігін көрсете білді.Жеңімпаздар арнайы сыйлықпен марапатталды.