17 Мамыр 2011

«Ғасыр адамы – Олжас Сүлейменов» әдеби кеш

Қазақстанның халық  жазушысы, ақын,  қоғам кайраткері Олжас Сүлейменовтың туғанына 75 жыл толуына орай  №1 кітапхана-филиалында 2011 жылдың 14 мамырында  «Ғасыр адамы – Олжас Сүлейменов» атты әдеби кеш  болып өтті. Кештің мақсаты:  мерейтой иесінің  өмір жолы мен шығармашылығын оқырмандарға таныстыру.Осы кешке қаламыздағы  №2 Абай атындағы лицей және  № 18  орта мектептің  оқушылары қатысты.Ақынның  өмірі мен  шығармашылығы туралы  берген  мәліметтер  мен   тартымды бейне материалдарды  оқырмандар  қызығушылықпен  қабылдады. О.Сүлейменовтың  сценарийі бойынша   «Көгілдір маршрут», «Қыс  -  қысылшаң  мезгіл», «Мұхтар Әуезов туралы сөз», «Жастық шақ заставасы» т.б. кинофильмдер  түсірілгені  туралы  ақпарат берді. О.Сүлейменовтың өлеңдерін қазақ тіліне аударған ақын Қадыр Мырза Әли екені аталып өтілді.Ақынның «Адамға табын ЖЕР енді» атты поэмасы  Ю.А.Гагаринге арналған.Осы поэмадан үзіндіні   №18 орта мектебінің оқушылары  Маралова Жанерке мен  Аханова Мадина оқып берді.№2 Абай атындағы лицейдің оқушылары  Ахмедиева Айнұр «Арғымақ», Тлеукешова Жанерке «Аттракцион» өлеңдерін  нақышына келтіріп жатқа оқыды. Оқырмандар назарына біртуар ақынға арналған кітап көрмесі ұсынылды.