№4 «Сырлас» кітапхана-филиалының ұйымдастыруымен Балқаш қалалық медициналық колледжінде балалар әдебиетінің классигі Бердібек Соқпақбаевтың «Балалық шаққа саяхат» повесінің жарыққа шыққанына 65 жыл толуына орай «Мерейгер кітап» тақырыбында әдеби дилижанс өтті.
Бердібек Соқпақбаев – өзі өмір сүрген кезеңнің келбетін боямасыз суреттеген қаламгер. Ашаршылық пен жетімдіктің зардабын тартқан жазушы «Балалық шаққа саяхат» повесінде балғын балалығының қиындыққа толы болғанын шынайы бейнелеген. Іс-шара барысында студенттер шығарманы талдап, кітап көрмесіне қойылған «Өлгендер қайтып келмейді», «Жекпе-жек», «Қайдасың, Гауһар?», «Менің атым – Қожа» сияқты туындылармен танысып, оларды оқуға кеңес алды.
