13 Қараша 2025

«Ақ таяқ күні» көру қабілеті нашар жандарға арналған мерекелік шара

С.Сейфуллин атындағы орталық қалалық кітапханада көру қабілеті нашар жандарға қолдау көрсетуге арналған, жылы да әсерлі «Ақ таяқ күніне» орай шара өтті. Бұл күн – көру қабілеті төмен адамдарға назар аударып, қолдау мен тең мүмкіндіктердің маңызын еске салатын мереке. Кездесуге зағиптар қоғамының өкілдері қонақ болып келді. Шара барысында жүректен шыққан өлеңдер оқылып, мейірім мен жылулыққа толы әндер орындалды. Сондай-ақ, қоғамның белсенді мүшелері мен ардагерлеріне құрмет көрсетіліп, бағалы сыйлықтар табысталды. Мұндай кездесулер бізге ең бастыны – жүрекпен көруді үйретеді.