«Жасанды интеллект технологиясын кітапхана жұмысында тиімді пайдалану» семинары
Жасанды интеллект жүйелерін дамыту, жаңа технологияларды кітапхана қызметінде тиімді қолдану мақсатында Кітапханаларды дамыту және әдістемелік жұмыс секторының ұйымдастыруымен кітапхана қызметкерлері үшін «Жасанды интеллект технологиясын кітапхана жұмысында тиімді пайдалану» атты семинар өтті. Бұған дейін өткен семинар барысында С.Сейфуллин атындағы орталық қалалық кітапхана бөлімдері мен кітапхана-филиалдарға жасанды интеллекті қолдану арқылы үй тапсырмалары тапсырылған болатын. Жауапты қызметкерлер өздерінің жасаған жұмыстарын таныстырып, қорғап, ChatGPT, Gemini, D-ID, PixVerse және басқа да технологияларда жасаған жобаларын айтып, тәжірибелерімен бөлісті.
