29 Мамыр 2025

«Зұлмат жылдар жаңғырығы» еске алу шарасы

29 мамыр күні С. Сейфуллин атындағы орталық қалалық кітапхана қызметкерлерінің ұйымдастыруымен Саяси қуғын-сүргін құрбандарын еске алу күніне орай Шашубай кенті жол бойында орналасқан «Белгі» ескерткішінің жанында «Зұлмат жылдар жаңғырығы» атты еске алу шарасы өтті. Іс-шара бір минуттық үнсіздікпен басталып, саяси қуғын-сүргін құрбандарының рухына тағзым жасалды. С. Сейфуллин атындағы №7 мектеп-гимназиясының тарих пәні мұғалімі Б.Төлегенов бұл күннің тарихи маңызы туралы сөз сөйлеп, сол зұлмат жылдардың себептері мен салдары жайлы қысқаша мағлұмат берді.
Құрметті оқырман, өткен тарихымызды ұмытпай, азаттық жолында құрбан болған ата-бабаларымыздың рухына әрдайым құрмет көрсетіп, олардың ерлігін келер ұрпаққа жеткізу – баршамыздың азаматтық борышымыз.